Во текот на ноќта, руските сили го нападнаа регионот Одеса во Украина со беспилотни летала, а магацини и возила изгореа во пожарот што избувна, објави на Телеграм Олех Кипер, началникот на воената администрација на Одеса.

Според него, непријателот го нападнал регионот Одеса со ударни беспилотни летала, и покрај активната работа на украинските сили за воздушна одбрана, магацини и возила биле оштетени, пренесува Укринформ.

Пожарите што избувнале биле брзо изгаснати од единиците на Државната служба за вонредни ситуации на Украина, а според прелиминарните информации, немало жртви во нападот, се вели во соопштението на украинските власти, пренесува Танјуг.

Во текот на ноќта, Одеса била нападната и со беспилотни летала, а во градот се слушнале експлозии, според Укринформ.