Во контекст на акциите на НАТО во Балтичкото Море, Русија ги презема сите потребни мерки за да ја обезбеди својата безбедност, изјави денес заменик-министерот за надворешни работи на Руската Федерација, Александар Грушко.

„Би сакал уште еднаш да нагласам дека овој регион е претворен во зона на акутно воено соперништво, а тоа е многу опасна работа. Добро е познато дека ги преземаме сите потребни мерки за да ја обезбедиме нашата безбедност и одбрана“, рече тој во емисијата на телевизијата „Россија-24“, пренесува ТАСС.

 

Според него, се реорганизирале два воени окрузи, потпишан е и стапил во сила договор за безбедносни гаранции за Русија и Белорусија, кој предвидува распоредување на нуклеарно оружје на територијата на Белорусија, а се зајакнуваат и капацитетите на воената флота и рускиот крајбрежен одбранбен систем.

„Значи, ќе бидеме целосно вооружени и нема да дозволиме НАТО да проектира сила од балтичкото подрачје, од северна насока“, заклучи тој.