Минатото лето бразилскиот десен бек Данило го облече дресот на „Старата дама“ каде што направи трансфер од екипата на Манчестер сити.

Во интервјуто за „ДАЗН“, десниот бек вели дека добро го познава Роналдо и е среќен што повторно соработува со него.

– Тој е фудбалер со големи квалитети, детално многу фокусиран, а докази се неговите резултати што ги постигна во својата кариера – рече Данило.

Имаше и една анегдота за петкратниот освојувач на „Златната топка“:

– Еден ден ми кажа дека со него, Бразил ќе освоеше уште пет светски титули – додаде Данило.

„Кариоките“ во својата историја имаат пет светски титули, во 1958, 1962, 1970, 1994 и 2002 година, додека Португалците досега немаат ниту една, односно најблиску до тронот беа на Мундијалот во далечната 1966 год. освојувајќи го третото место, а во 2006 год. беа четвртопласирани.