Романскиот политичар Мирчеа Џоана е назначен за нов заменик-генерален секретар на НАТО, се наведува во соопштението на Алијансата, што денеска беше лиферувано во Брисел.

– Се радувам што можам да го соопштам назначувањето на Мирчеа Џоана за следен  заменик-генерален секретар. Тој е убеден приврзаник на трансатлантските врски и своето долгогодишно искуство на државен функционер и дипломат ќе го искористи на новата работа. Тој е првиот Романец кој зазема вака висока функција – изјави генералниот секретар на НАТО Јенс Столтенберг.

Во неговата изјава, исто така, се подвлекува дека Џоана ќе ја замени Роуз Готемилер, која беше заменик-генерален секретар од октомври 2016 година.

– Многу сум ѝ благодарен на Роуз Готемилер. Нејзиното дипломатско искуство во областа на меѓународната безбедносна политика е непроценлива за НАТО, затоа што Алијансата продолжува да се адаптира на понепредвидливите безбедносни услови – додаде Столтенберг.

Мирчеа Џоана е основач и претседател на институтот Аспен во Романија.

– Порано тој беше претседател на романскиот Сенат, министер за надворешни работи и амбасадор во САД. Џоана новата функција ќе ја преземе кон средината на октомври 2019 година – рече генералниот секретар на НАТО.