Славниот напаѓач Робин Ван Перси одличната кариера ја заврши на 40-годишна возраст во 2019 година во дресот на Фејенорд. Веднаш по завршувањето играчката, Ван Перси започна тренерска, на почетокот беше помошник, додека денес го води јуниорскиот состав.

Сега холандските медиуми најавуваат дека Ван Перси од наредната сезона за првпат може да добие шанса да води еден сениорски тим. Станува збор за екипата на Херневен.

Ван Перси би можел да биде наследникот на Кес Ван Вондерен на кого му истекува договорот на крајот од сезоната. Спортскиот директор на Херневен, Фери Де Хан не сакаше да ги коментира гласините за Ван Перси со кого добро се познава бидејќи своевремено во минатото заедно го носеа дресот на Фејенорд.

Кариерата како играч Ван Перси ја започна во младинските категории на Екселсиор, потоа се пресели во Фејенорд. Откако играше и за младата екипа на овој состав доби шанса во сениорскиот. Арсенал го доведе летото 2024 година и во овој клуб помина осум години во кои постигна 132 гола.

Во 2012 година направи трансфер во Манчестер Јунајтед кој за него плати 30 милиони евра и за „црвените ѓаволи“ постигна 58 гола. Од 2015 до 2018 година го носеше дресот на Фенербахче, а потоа се врати во Фејенорд каде што ја заврши кариерата. За репрезентацијата на Холандија одигра 102 натпревари и постигна 50 голови.