РФС Рига вчера славеше против Македонија Ѓорче Петров во квалификациите за Конференциската лига со 0:1, а веќе денес доби играч кој треба да биде сериозно засилување.

Гостите важеа за фаворити пред мечот, но на теренот работите им одеа потешко од очекуваното. Денес РФС Рига објави дека се засилува со Даниелс Онтужанс, фудбалер кој во минатото бил дел и од Баерн Минхен.

Во прашање е 23-годишен играч за врска кој во 2020 година бил дел од Баерн каде што настапувал за младинските категори. Успеал Онтужанс да забележи и настап за првиот тим на Баерн во натпревар од Купот на Германија.

По Баерн, две години поминал во Фрајбург кој подоцна го префрлил во вториот тим за кој на 32 натпревари постигна три гола. За репрезентацијата на Летонија забележа седум настапи.

За летонскиот тим се очекува да биде сериозно засилување во офанзивниот дел, а може да ги покрива и крилните позиции.