Откако „големиот, прекрасен“ закон беше тесно усвоен во Сенатот, изменетата верзија беше испратена до Претставничкиот дом на гласање, а како што пишува АП, републиканците се соочуваат со предизвици во обидот да го усвојат пакетот намалувања на даноците и буџетот од претседателот Доналд Трамп, кој инсистира законот да биде усвоен до 4 јули.

Усвојувањето на законот беше обележано со голем број пречки, од кои најзначајна беше несогласувањето меѓу самите републиканци, а гласањето, кое започна во среда навечер, беше продолжено до денес бидејќи неколку републиканци одбија да го поддржат законот.

Претседателот на Претставничкиот дом, Мајк Џонсон, ги повика пратениците да донесат одлука што е можно поскоро, а Трамп се огласи на социјалните мрежи за да ги праша републиканците што чекаат и дека одложувањето на усвојувањето на законот ќе ги чини гласови.