Екипата на Реал Мадрид денеска пред навивачите и новинарите го претстави засилувањето од 58 милиони евра, холандскиот репрезентативец, Дин Хујсен.

Хујсен со овој трансфер стана најскапиот дефанзивец во историјата на Реал Мадрид, рушејќи го рекордот на Милитао кој претходно беше доведен од Порто за 50 милиони евра.

„За мене ова е најдобриот ден во животот. Станувам дел од најславниот клуб во светот. Разговарав со Чаби Алонсо и ми објасни што очекува од мене, убеден сум дека добро ќе се снајдам. Ми се јави дури и Серхио Рамос кој е мој идол. Со нетрпение чекам да заиграм за Реал Мадрид“, изјави Хујсен.

Дебито за новиот клуб Хујсен ќе може да го направи на клупскиот Мундијал кој стартува в недела и ќе трае до крајот на јуни.