Клаудио Раниери одби да биде селектор на италијанската репрезентација која се раздели со Лучијано Спалети.

Раниери потврди дека имал понуда, но само се заблагодари на претседателот Габриеле Гравина.

„Благодарен сум на претседателот на Фудбалскиот сојуз на Италија, Габриеле Гравина за понудата. Тоа е голема чест и внимателно одлучив да останам на целосно располагање на Рома во новата улога. Сопствениците на Рома ми дадоа поддршка за секоја одлука која ќе ја донесам во врска со националнот тим и ова е исклучиво моја одлука“, изјави Раниери.

Во кариерата Раниери ги водеше екипите на Интер, Јувентус, Атлетико Мадрид, Монако, Челси и Лестер со кој во 2016 година ја освои титулата во Премиер лигата. Минатата сезона се врати од пензија само да ја предводи Рома со која имаше одлични резултати по што продолжи да работи како директор.