Екипата на Работнички која одигра катастрофално во есенскиот дел од шампионатот, во вториот дел од сезоната стартуваше со победа и најави борба за опстанок во првата лига.

„Романтичарите“ денеска со 0:1 ја совладаа Струга Трим Лум во првиот натпревар под водство на тренерот Ратко Достаниќ. Јунак на Работнички беше Тошевски кој единствениот гол на натпреварот го постигна во 34. минута.

Минимален триумф оствари уште и Силекс на гостувањето кај Ренова. Единствениот гол го постигна Бурхан Мустафов во 45.минута со удар од 25 метри.

Шкупи во Чаир долго време се мачеше да принајде „дупка“ во бедемот на Борец Велес и тоа им успеа дури во финишот. Во 80. минута Мухарем Бајрами го постигна првиот гол за Шкупиа, а неколку минути подоцна заработи и црвен картон. Победата ја завери Бесар Исени во судиското продолжение од натпреварот.

Резултати 19. коло:
Академија Пандев  – Шкендија 1:2
Шкупи – Борец 2:0
Ренова – Силекс 0:1
Струга ТЛ – Работнички 0:1
Вардар – Македонија ЃП 3:1

Табела: Вардар 39, Шкендија 31, Силекс 30, Академија Пандев 27, Македонија ЃП 26, Шкупи 25, Струга ТЛ 24, Борец 20, Ренова 19, Работнички 18.