Екипата на Работнички летово ја очекува европски предизвик, тимот од Дебар Маало ќе се соочи со белорускиот Торпедо Белаз во квалификациите за Конференциската лига на УЕФА.

Првиот натпревар се игра утре (четврток) со почеток од 20 часот, додека реваншот е закажан за 17 јули на Националната арена „Тодор Проески“ во Скопје.

Во пресрет на мечот на домашен терен, Работнички информира дека билетите за реваншот се веќе достапни преку онлајн платформата на МКТикетс.

„ФК Работнички преку онлајн мрежата на МКТикетс ги пушти во продажба билетите за реваншот против Торпедо-Белаз. Отворена е Северната трибина, а билетите по цена од 200 денари можат да се купат на следниот линк…“, соопштија од клубот.