„Резултатот од заедничката работа меѓу Русија и Белорусија е очигледен, вклучително и во однос на економскиот раст“, изјави денес рускиот претседател Владимир Путин за време на средбата со белорускиот лидер Александар Лукашенко во Пекинг.

Путин, според белоруската државна агенција „Белта“, ги нагласил многу блиските меѓудржавни односи меѓу Русија и Белорусија и неговите лични односи со Лукашенко.

„Важно е резултатот од нашата заедничка работа да биде очигледен. Веќе го кажав тоа, од гледна точка на економскиот раст, подобрување на структурата на економијата. На крајот на краиштата, ние правиме многу и тоа го правиме доста ефикасно“, рекол Путин.