Путин ѝ додели руско државјанство на Тара Рид – поранешна помошничка на Бајден која го обвини за сексуално вознемирување
Претседателот на Русија, Владимир Путин, ѝ додели руско државјанство на Тара Рид, поранешна помошничка на американскиот претседател Џо Бајден, која го обвини за сексуален напад. Одлуката беше објавена со декрет на официјалната веб-страница на Кремљ синоќа, објави „Киев индипендент“.
Препорачано
Рид работела како помошничка во канцеларијата на Бајден во раните 90-ти кога тој бил сенатор. Во 2020 година, за време на претседателската кампања на Бајден, таа јавно го обвини за сексуално вознемирување, кое наводно се случило додека работеле заедно. Бајден силно ги негира сите обвинувања во тоа време и никогаш не беше поведена никаква формална постапка против него.
Рид се пресели во Русија во 2023 година и аплицирала за државјанство. Во Русија таа стана активна во медиумите контролирани од Кремљ, каде што често учествуваше во ширење пропаганда.
За време на еден од нејзините јавни настапи таа се извини за она што го нарече агресивен став на Америка кон Русија и за поддршката на Вашингтон за Киев под администрацијата на Бајден.
Според стандардните процедури, кандидатите за руско државјанство мора легално да престојувале во земјата најмалку пет години. Сепак, Путин воведе исклучоци.
Тој им дозволи на странците и на лицата без државјанство да аплицираат за привремен престој од морални причини и ја поедностави постапката за оние што потпишуваат договор за воена служба со руските вооружени сили.
