Поранешниот американски претседател Доналд Трамп не е повреден и е безбеден по инцидент со пукотници во негова близина во Палм Бич, објави неговиот предизборен штаб.

Тајната служба, задолжена за безбедноста на актуелниот и поранешните претседатели на САД, објави дека заедно со шерифот на округот го истражува инцидентот, кој се случил пред 14 часот според локално време.

– Поранешниот претседател е безбеден – објави Тајната служба на својата страница на социјалните мрежи.

Трамп за време на пукотниците играл голф во својот клуб во Вест Палм Бич. Целиот капацитет итно бил затворен, објави претставникот на неговиот предизборен штаб, Стивен Чонг.