Славиша Кокеза денеска си поднесе оставка од челната позиција во Фудбалската федерација на Србија. Оваа вест беше очекувана во српската јавноста поради споменувањето на името на Кокеза при апсењето на поранешниот водач на „Гробарите“, Веља Невоља.
– Сакам да ја известам јавноста и соработниците дека се повлекувам од претседателската функција во Фудбалската федерација на Србија. Во желба пред се на репрезентацијата да и овозможам мир пред стартот на квалификациите, подготвен сум за нова борба во која ќе сторам се за да ги демантирам нападите кон моето име и личност“, објави Кокеза.
Кокеза на чело на ФСС дојде 2016 година, е репрезентацијата учестувваше само на едно големо натпреварување, Мундијалот во Русија 2018 година.
– Среќен сум, задоволен и горд сум што репрезентацијата ќе ја предводи најголемото име во српскиот фудбал, Драган Стојковиќ. На него како и на сите луѓе во ФСС им посакувам многу успеси во иднина“, додава Кокеза.