Киберкриминалот во Германија достигна рекордни нивоа минатата година, а најголемите предизвици произлегоа од хакерските напади извршени од групи проруски и антиизраелски активисти, објави денес Федералната канцеларија за криминал (BKA).

Германската влада планира да ги зголеми контрамерките за борба против феноменот, објави Ројтерс.

„Киберкриминалот е растечка закана за нашата безбедност. Нападите стануваат поагресивни, но нашите контрастратегии стануваат и попрофесионални“, рече министерот за внатрешни работи Александар Добринт.