По една година и три месеци бегство, бугарската полиција денеска во Софија го приведе специјалецот Игор Спасов, по распишана меѓународна потерница од македонското МВР, потврдија од таму за „Слободен печат“.

Имено, Спасов е осуден на казна затвор од 14 години за убиството на Мартин Нешковски. Тој казната ја издржува од 2011 година, а поради здравствени причини истата му е во прекин од лани. Бидејќи на 18.10.2019 не се јави во Затворот „Идризово“, а истражните органи не успеаа да го пронајдат на територијата на Македонија, МВР распиша меѓународна потерница по него.