Eкипата на Брера Струмица која во финишот од сезоната се избори за опстанок во најсилната македонска лига денеска објави две заминувања.

Прво беше објавена разделбата со Александар Ристевски, а подоцна и со Агрон Руфати. Станува збор за двајца фудбалери кои играат во одбраната.

Руфати дресот на струмичкиот клуб го носеше година ипол и си заминува по истекот на договорот како слободен играч. Иста е ситуацијата и со Ристевски кој заминува како слободен играч, но тој помина само една година во Струмица.

Двајцата беа стандардни првотимици сезонава бидејќи Ристевски одигра 28 натпревари, а Руфати 30. Во тие настапи и двајцата успеаа да постигнат по еден гол.