Во драматичен натпревар, Барселона вчера славеше против Селта со 3:2, но по натпреварот тренерот Чави не можеше во целост да се израдува на победата бидејќи доби лоша вест за Френки Де Јонг.

Шпанските медиуми објавија дека на Де Јонг му биле направени медицински тестови по што било заклучено дека има повреда на скочниот зглоб.

Првичните најави за Барселона не се добри, Де Јонг би требало да паузира до почетокот на ноември што значи дека ќе го пропушти првото „Ел Класико“ кое e закажано за 28. октомври.

Барселона во овој момент има 16 бодови и се наоѓа на делба на првото место заедно со најпријатното изненадување сезонава, Жирона.