Судија на претходна постапка им одредил краткотраен притвор на четири лица за пожарот во Трубарево, кои доцна синоќа беа спроведени во судот.

– Судија на претходна постапка донесе решенија со кои го прифати предлогот и на В.М., З.С., М.Д. и Л.Д. им определи мерка притвор во траење од 48 часа – соопшти Кривичниот суд.

Четворицата се осомничени за кривичното дело до чл. 230 ст.3 вв со ст. 1 од КЗ, односно Загрозување на животната средина и природата со отпад.

Претходно, јавното обвинителство побара од судија на претходна постапка определување мерка притвор за обезбедување докази. Како што наведоа, оваа мерка е потребна за да се овозможи целосно расветлување на околностите што довеле до настанување на пожарот во складиштето за електронски отпад.