Претседателот на Србија, Александар Вучиќ, вечерва изјави дека Приштина „сѐ уште си игра“, односно дека вечерва испратила полициски екипи кои преминуваат од јужниот во северниот дел на Митровица, а потоа се враќаат.

Вучиќ за тв Прва изјави дека специјалната косовска полиција поставила два контролни пункта кај Грабовац и Газиводе и дека повремено „застануваат да „соберат“ некого, само за да провоцираат“.

„Овие луѓе не разбираат дека немаат сила на северот. Никој не се исплаши од Албанците, но луѓето не сакаат цела Србија да ја втурнат во војна против НАТО. Значи, Албанците не се посилни од Србите. Пресуди тоа што цела ноќ се боревме за зборот „барикади“, рече Вучиќ.

Тој изјави дека претходните денови се „бореле да го зачуваат српскиот народ на Косово и Метохија“, а во исто време да го зачуваат мирот и дека овојпат „не било воопшто лесно“.