Нашата цел во контекст на даночните промени кои ќе стапат на сила следната година е да ги решиме предизвиците со кои се соочуваме, а пред сè силниот раст на цените на недвижностите и кириите, веројатно поради претходното прениско оданочување, рече министерот за финансии Марко Приморац, објави Н1 Хрватска.

„Има многу фактори кои влијаеле на зголемувањето на цените на недвижностите и на закупнините воопшто, но сметаме дека она што долгорочно ја поттикнало побарувачката на недвижности е токму прениското оданочување. Во Хрватска немавме класично оданочување на недвижностите, а исто така и данокот на краткорочна кирија беше прилично благ и главно единиците на локалната самоуправа го поставија на најниско ниво. Доколку одредена дејност не се оданочува, тоа за инвеститорите значи дека е погодно да инвестираат во такви сектори – вели министерот.

Во овој контекст, во Хрватска се појави еден фонд, околу 600 илјади станови, кои де факто се празни, што ја потврдува нашата теза дека оданочувањето на недвижностите мотивирало многу инвеститори да инвестираат во недвижен имот, а не во економијата.

Досега, пак, долгорочната закупнина се оданочуваше со стапка од 8,4 отсто, а краткорочната со 2 отсто, што беше јасен сигнал за некои дека инвестираат во недвижности за краткорочно издавање. Се разбира, странските инвеститори беа добредојдени, но нивната силна побарувачка во Загреб, на Јадранот, дополнително ги зголеми цените за нашите граѓани и млади луѓе кои се обидуваат да го решат станбениот проблем, или преку прифатлива кирија или купување на недвижен имот.

„Се разбира, државата мора да направи нешто тогаш. Немаме илузии дека уште утре цените на киријата и недвижностите толку значително ќе се намалат што секој лесно и безболно ќе купи недвижен имот и ќе си ги реши станбените прашања, но тоа секако ќе придонесе“, вели Приморац,.