Во чаирскиот огранок на Алтернатива нема незадоволство кон ниту еден партиски функционер, реагира Фатон Фазлиу, претседател на чаирскиот огранок на барањето на членови на огранокот, претседателот на партијата Африм Гаши да иницира разрешување на министерот за здравство Беким Сали.

–По барањето на неколку активисти од огранокот на Алтернатива на Чаир, кои имаа забелешки на работата на министерот за здравство Беким Сали, сакам да објаснам дека во органите на огранокот на Чаир немало никакви жалби и незадоволства кон ниту еден функционер на партијата. Ниту на Претседателството на огранокот, ниту на Собранието на Огранокот на Чаир, кои беа одржани неодамна немало ниту една забелешка, па затоа денешната реакција нема никаква врска со огранокот на Чаир, туку може да биде резултат на личните незадоволства – вели Фазлиу.

Тој потсетува дека според Статутот на партијата, прашањето на именување или разрешување на партиските функционери не е во надлежност на ограноците, туку е во надлежност на Централното претседателство на Алтернатива.

–Како претседател на огранокот на Чаир, му честитам на министерот Беким Сали, за неговата досегашна работа и му посакувам успеси – вели Фазлиу.

На прес конференција денеска, 11 членови на огранокот изразија  загриженост и побараа од претседателот  Гаши, доколку Сали не поднесе оставка, во рок од 10 дена да го разреши од функцијата.