Градоначалникот на Општина Карпош, Стевчо Јакимовски, вели дека е изненаден од пресудата со која е осуден на затворска казна од три и пол години за бесправна изградба на новите објекти на Општина Карпош.

Тој, без подетално да образложи, обвини дека се работи за „политички мотивирана пресуда“ и најави жалба до Апелацискиот суд.

„Навистина сум изненаден од пресудата. Без никакви докази, на 100% докази на наша страна дека немаме сторено кривично дело, носат пресуда со која ме осудуваат на четири години со единствена казна затвор на три години и шест месеци“, изјави Јакимовски.

Тој рече дека е осуден за легализација на две бараки кои биле монтажно-демонтажни и направени од гипс-картон, во согласност со сите стандарди, додавајќи и дека дека за времени објекти не може да се води кривична постапка.

Според Јакимовски, Обвинителството се послужило со фалсификат кој бил докажан со вештачење, кое судот не го зел предвид.

Градоначалникот на Карпош Стевче Јакимовски осуден на три години и шест месеци затвор