Дефект на главниот цевковод од градската водоводна мрежа претпладнево предизвика прекин во водоснабдувањето на Кочани.

Од комуналното јавно претпријатие „Водовод” информираа дека нивни екипи веќе го утврдиле местото на дефектот и работата на негово отстранување.

– Се работи за дефект на главниот потисен цевковод, на потегот меѓу Грдовски Орман и селото Прибачево, на полска површина. Оперативните служби и механизацијата се веќе на терен, водата од системот е сопрена, така што  во текот на денот ќе има прекин на водата кај сите корисниците од системот за водоснабдување во Кочани, истакна Андреј Киров, директор на КЈП „Водовод”.

Времетраењето на прекинот на водоснабдувањето ќе биде утврден според сложеноста на дефектот, а одговорните служби во комуналното претпријатие најавија максимална посветеност за што поскоро оспособување на водоводната мрежа.