Словенечките доставувачи на Волт започнаа предупредувачки штрајк. Тие се собраа во Марибор и побараа подобрување на платите и регулирање на нови работни места. Поддржани беа и од синдикатот Млади плус, објави Н1 Словенија. Очекуваат одговор оваа недела, доколку нема соодветни промени ќе ги интензивираат штрајкувачките активности. Насобраните бараа подобрување на платите и регулирање на нови работни места, изјави за Радио Словенија Јуре Клеменчич, еден од иницијаторите на протестот. Нивната главна цел е да воспостават дијалог со менаџерите и да најдат решенија за подобрување на условите за работа.

„Доста ни е од експлоататоските услови кои се случуваат околу две години. Нашите барања се едноставни, да се подигнат нормите или плаќањата за одредена испорака и да имаме подобри услови и испорака за сите доставувачи“, рече Клеменчич.

Доставувачите работат со Волт како договорни партнери или со потврди дека се студенти. Самите се одговорни за превозните средства, а испораките автоматски им се доделуваат од апликацијата.

-Условите за работа и платата се катастрофални веќе подолго време, а како што велат самите доставувачи, се соочуваат со нетранспарентен алгоритам и плаќање, опасни услови за работа и притисок за што побрзо испорака“, напишаа од синдикатот на Фејсбук.