Работнички од денеска е посилен и за Драшко Ѓорѓевиќ, српскиот интернационалец кој беше дел од нашиот клуб во сезоната 2020/21.

Тој потпиша договор и се врати во Работнички откако во изминатиот период настапуваше за српскиот клуб Рад.

Ѓорѓевиќ ќе ја засили конкуренцијата во одбраната и се наоѓа со тимот на подготовките во Анталија.

Денеска екипата ќе го одигра и првиот пријателски натпревар на подготовките во турскиот туристички центар, а противник е украинскиот прволигаш Лвов.

Во неделата „романтичарите“ го промовираа и Сантијаго Родригез, крилен напаѓач од Венецуела.