Пред еден месец Мајнц го потврди трансферот на Јапонецот, Каишу Сано, а сега овој фудбалер заврши во затвор.

Имено, според информациите кои доаѓаат од неговата земја, Сано бил уапсен заедно со уште две лица поради силување.

Тие се осомничени за силување на 30-годишна жена во градот Јушима. Случајот го потврдија и од Мајнц.

„Клубот е изненаден од информациите на јапонските медиуми за приведувањето на Сано. Во овој момент нема да ги коментираме извештаите поради недостигот на информации. Се надеваме работата ќе биде расчистена колку што е можно побрзо“, соопштија од германскиот бундеслигаш.

Инаку, Сано е 23-годишен фудбалер кој во Мајнц пристигна од Кашима за која одигра 43 натпревари.