Руската полиција утврди дека пензионерката обвинета за повеќе убиства ги сечела жртвите и го готвела нивното место. Според најновите информации од истрагата, Софија Михајловна (80) своите „специјалитети“ ги давала на деца, објави „Еспресо“.

Меѓу нејзините жртви е и осумгодишно девојче која, по сопствено признание, ја убила во 2005 година бидејќи прегласно си играла и ја гаѓала со сладолед.

Поранешната месарка и вработена во обезбедување од селото Березовка е уапсена откако во јануари исчезна нејзниот станар Василиј Шлјахтич (52), а делови од неговото тело се пронајдени во околни канти за ѓубре. Полицијата по претресот на станот на осмничената пронашла ножеви и тестери со трагови на крв, по што е подигнато обвинение за убиство. Во медиумите се појавија и наводи дека во нејзниот фрижидер полицијата пронашла човечки остатоци.

На сослушувањето покрај убиството на девојчето, таа го признала и убиството на својата другарка Нина Бабенко (83) во 2013 година, која одредено време престојувала кај неа и набрзо исчезнала.

Соседите ја познаваат старицата под различни имиња, па во изјавите за медиумите и полицијата ја нарекувале и Соња. Тие велат дека имала машка фирзура и длабок глас, како и дека често се шетала со војничка униформа и со секира. Исто така, таа редовно убивала мачки.

Соседката Татјана за локалните медиуми изјавила дека памети оти таа делела храна во селото.

– Секогаш ни беше чудно што толку непријателски расположена наоѓаше време да готви за децата од соседството. Тоа секогаш беа некои јадења од месо. Некогаш ги даваше и на возрасни. Мене и на мојот маж еднаш ни донесе холодец (руска пача). Многу добро го паметам тоа бидејќи сопругот ми рече подобро да не го јадеме тоа, бидејќи не знаеме од што е. Се испостави дека е во право – рекла Татјана и додала дека полицијата потврдила дека таа готвела со месото од жртвите.

Иако руските медиуми пензионерката ја нарекоа човекојадец, не е потврдено дека таа ги јадела јадењата.

Софија е вдовица од 2005 година. Нејзиниот маж Иван, кој бил водоинсталатер умрел шест месеци пред убиството на осумгодишното девојче. Имале и три сина, еден од нив починат, додека другите двајца и понатаму живеат во областа Хабаровск.