Пожарникарите од ТППЕ Виница вчера имале техничка интервенција на испукана боца со хлор во филтер станица, информира Центарот за управување со кризи (ЦУК).

Информираме за ретка, но сепак опасна ситуација при што е отстранета опасност од истечен хлор во филтер станица. Конкретно, РЦУК Штип, информира дека пожарникарите од ТППЕ Виница вчера од 08:00 до 11:00 часот, имале техничка интервенција на испукана боца со хлор од 50 килограми во филтер станицата – се вели во соопштението.

Од ЦУК додаваат дека интервенирале четири пожарникари со две возила.

Нема повредени лица, но на вработените во филтер станицата во Виница им е даден кислород, заради можност од вдишување на отровниот гас.