Попладнево во Општина Ѓорче Петров, делот кај Волково го зафати пожар, веројатно намерно предизвикан, а истиот потоа се префрли од другата страна на реката Лепенец, во атарот на населеното место Бардовци, информираат од Општина Карпош.

Противпожарните екипи го локализираа пожарот, но густ црн чад и натаму се шири во околината и ветерот го носи во целост врз населеното место Бардовци.

Дополнително ова населено место е во опасност од густ црн чад од пожарот во Блаце каде гори нискостеблеста шума и се шири со голема брзина.
Препорака од Општина Карпош до жителите на населеното место Бардовци, доколку се во состојба барем наредниве 5-6 часови да бидат надвор од ова населено место, додека целосно не биде изгаснат овој пожар. Густиот црн чад претставува посебна опасност за малите деца, лица со респираторни проблеми, како и срцевите болни. Општина Карпош будно ќе ги следи овие два пожари и дополнително ќе ги информира граѓаните, велат оттаму.