Повеќе од 600.000 луѓе беа евакуирани во Виетнам каде се очекува удар на тајфунот Хаијан, соопштија официјални лица откако во невремето на Филипини загинаа најмалку 10.000 луѓе.

– Евакуиравме повеќе од 174.000 домаќинства, што е околу 600.000 луѓе, се вели во официјален извештај на Виетнамското контролно одделение за помош при поплави и бури.

Се очекува тајфунот да го погоди Виетнам в понеделник наутро по промената на правецот што предизвика масовна евакуација во северната покраина Нгхе Ан која е на околу 230 км. од Ханој. Тајфунот се движи со брзина од оклу 35 км/на час.