Поранешниот јужнокорејски претседател Јун Сук-јол денес беше вратен во затвор откако судот одобри налог за апсење побаран од обвинителите кои го истражуваа неговиот обид за воведување воена состојба минатата година.

Со таа одлука, Централниот окружен суд во Сеул ја потврди истрагата на специјален тим за наводите дека потегот на Џун претставува опструкција на правдата и злоупотреба на моќ, објави Ројтерс.

Судот соопшти дека го одобрил судскиот повик на обвинителите поради стравувањата дека Јун може да се обиде да уништи докази.

Конзервативниот политичар веќе се соочува со обвиненија за бунт поради неговиот декрет за воена состојба, поради кој може да биде затворен или осуден на смрт.

По одлуката на судот, поранешниот претседател беше вратен во затвор во притворен центар во Сеул, околу 20 километри јужно од главниот град, објави Ројтерс.

Тој претходно помина 52 дена во затвор, но беше ослободен пред четири месеци од технички причини.

Уставниот суд го отстрани од функцијата претседател во април, потврдувајќи го импичментот на парламентот поради неговиот обид за воведување воена состојба што предизвика шок и месеци политички превирања во Јужна Кореја, потсети агенцијата.

Специјален тим на обвинителството започна истрага откако новиот лидер Ли Џе-мјунг беше избран во јуни и разгледува дополнителни обвиненија против Јун.

Се очекува тимот да ја забрза истрагата за тоа дали, меѓу другото, Џун им наштетил на јужнокорејските интереси со намерно поттикнување на тензиите со Северна Кореја.

Неговите адвокати ги негираа обвиненијата и го нарекоа барањето да биде вратен во затвор неразумен потег во брза истрага.

Повеќе од 1.000 поддржувачи на Џун се собраа денес пред судот, објавија локалните медиуми.