Поранешниот советник на Трамп го обвини дека во неговиот мандат носел одлуки во лична корист и дека сакал САД да го напуштат НАТО“

Поранешниот советник за националнта безбедност во Трамповата администрација, Џон Болтон, го обвини неговиот поранешен шеф дека сите одлуки кои ги носел како престедател биле во контекст на остварување на своја одредена лична корист.

„Доналд Трамп нема полиитчка филозофија, како што ние ја разбираме “, рече Болтон во интервјуто за „The Hill“ на NewsNation.

„Доналд Трамп не размислува во политичкa насока кога носи одлуки од областа на националната безбедност. Сите одлуки му се е поврзани во насока на одредена лична корист, обвини поранешниот советник за национална безбедност во поранешната Трампова администрација Џон Болтон.

Болтон го нарече договорот со талибанците што доведе до целосно повлекување на САД од Авганистан како „катастрофална грешка“ и посочи дека неговите односи со Иран пропаднале. Болтон обвини и дека Трамп ги загрозува односите на САД со НАТО.

 

Доколку добиеше втор претседателски мандат Трамп, речиси сигурно ќе се повлечеше од НАТО“, рече тој.
Голем дел од заслугите што Трамп ги добива за победата и успехот во надворешната политика во очите на републиканците е погрешно поставен, тврди Болтон.

„Оние кои тврдат дека Трамп имал успех во надворешната политика во неговиот прв мандат, навистина не разбираат како дел од амднистрацијата во Вашингтон успевале да ги исправаат штетните потези , затоа што Трамп сакаше да оди во спротивна насока за многу работи за кои сега е заслужен“, вели Болтон.

Болтон, некогашен сојузник и близок соработник на Трамп и член на неговата администрација, му се спротистави својот поранешен шеф откако тој ја напушти функцијата во 2019 година.

Оттогаш Болтон стана жесток критичар на поранешниот претседател и напиша книга во која ги опишува неговите искуства во Белата куќа, и сите потези кои Трамп планирал да ги направи доколку успее да добие втор претседателски мандат.