Ривалството помеѓу Роже Федерер и Новак Ѓоковиќ е едно од најголемите во историјата на тенисот, двајцата ривали досега одиграа дури 49 меѓусебни дуели и заедно со Рафаел Надал ја сочинуваат најголемата тројка во историјата на тенисот.

Федерер е настар од споменатите тројца тенисери со 38 години додека Ѓоковиќ има 32 години, а Надал е една година постар од Србинот.

Дури по 15 години ривалство на терените, конечно е познато што размислува Федерер за својот помлад колега.

Тие двајца во јавноста секогаш кажуваат само убави зборови еден за друг, но неколку пати досега се случи таткото на Новак, Срѓан, да го обвини Федерер дека се обидува да го понижи или омаловажи успехот на српскиот тенисер, додека екс тренерот на Новак, Борис Бекер, изјави дека постои лажно пријателство помеѓу двете ѕвезди.

Поранешниот капитен на швајцарската Дејвис куп репрезентација и поранешен 26. тенисер на АТП ранг листата, Клаудио Мекарди, откри какви се односите помеѓу двајцата тенисери.

– Федерер ми изјави дека има малку чуден и невообичаен однос со Ѓоковиќ бидејќи никогаш не успеа да го разбере. Кога се обидуваше да зборува со него, покрај вообичаените кратки разговори, никогаш не успеа да го сфати ставот на Новак. Според Роже, Новак зборува едно, а потоа прави нешто поинакво. На Лејвер купот кој се играше во Чикаго, Ѓоковиќ им кажа на соиграчите од европската селекција дека е многу уморен и бараше да игра во доцниот термин, оддеднаш побара да излезе што побрзо на теренот. Дури и кога требаше да играат заедно во двојки и требаше да биде во доцниот термин, Новак сакаше да игра што порано. Не зборувам дека има лош однос помеѓу нив двајца, но Федерер никако не успева да го разбере Ѓоковиќ – открива Мекарди.