Хамиш Де Бретон-Гордон, поранешен шеф на единицата за хемиско оружје на британската армија, изјави за Скај њуз дека „не можеме да претпоставуваме дека Владимир Путин нема да изврши некаков вид на нуклеарен напад“ и дека тоа може „да се случи на повеќе различни начини“.

„Би било неверојатно Путин да користи тактичко нуклеарно оружје. Сепак, Путин продолжува да го прави неверојатното“, рече тој во интервјуто утринава.

„Значи, мислам дека не можеме да претпоставиме дека тој нема да користи ваков тип на оружје. На крајот на краиштата, тој го назначи Сергеј Суровикин, генерал Армагедон, како што е познат, кој го следев во Сирија во последните неколку години“ вели Бретон-Гордон.

Де Бретон-Гордон додаде дека иако би било лудо за Москва да користи биолошко и нуклеарно оружје, ситуацијата треба да се сфати сериозно.

„Неодамнешната приказна за валканата бомба е навистина најважното прашање на кое треба да се фокусираме бидејќи Путин рече дека ќе ги исклучи светлата и ќе ја исклучи топлината во Украина, а сите напади во последните неколку дена се навистина на тој пат. Навистина сум загрижен што Русите ја губат оваа војна, а Путин не може да си дозволи да ја изгуби“, додаде тој.

„Мислам дека најголемата закана е натамошниот прекин на електричната енергија и затворањето на нуклеарните централи, што Путин рече дека ќе го направи“, рече Британецот.