Во Скопје утре од 9 до 14 часот ќе бидат затворени за сообраќај неколку крстосници, поради тоа што во тој период ќе се одржи генерална проба за симулациска вежба во итна ситуација – земјотрес „Хуманитарен одговор 2023“ планирана за 18. месецов, во организација на Црвен Крст на Македонија,  во Градски парк Скопје.

Како што соопшти Министерството за внатрешни работи, утре од 9 до 14 часот затворени ќе бидат  булевар „Илинден“ од крстосница со булевар „Св.Климент Охридски“ до крстосница со улица „Франклин Рузвелт“ и од крстосница со улицата „Бледски Договор“ до крстосница со улицата„Никола Тесла“, потоа улиците „Наум Наумовски Борче“, .„Јордан Хаџиконстантинов-Џинот“ од крстосница со улицата „Орце Николов“ до крстосница со „Ленинова“  и булевар „Осми Септември“ од крстосница со „Илинден“ до сервисна улица за влез во хотел „Александар Палас“.

Истите сообрачајници ќе бидат затворени и на денот на главниот настан, во среда на 18 октомври,  во периодот од 9 до 14 часот.

 Единицата за безбедност на патниот сообраќај Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници, информира МВР и апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.