Иако состојбата на српската берза беше добра за домашните продавачи во претходниот период, поради поскапувањето на двете главни земјоделски култури, светскиот пазар на жито беше доста потресен од најавите на САД за воведување царини за стоки од Европа и одговорот на Брисел дека ќе возврати. Да потсетиме, претседателот на САД, Доналд Трамп, најави дека ќе се воведат даноци за широк асортиман на производи без да прецизира точно кои, но, колку што е познато, најмногу ќе биде погодена автомобилската индустрија. Како што пренесува порталот „Агроинфонет“, берзата на жито ја потресоа овие најави и цените паѓаат и во Европа и во САД – бидејќи 4 март почна да се спомнува за почеток на светска трговска војна.

Трговците автоматски го намалија откупот на пченица и пченка, додека дури и тврдата пченица поевтини на европскиот пазар – од 300 на 290 евра за тон. Се нагласува дека лебната пченица од Европа, како и претходниот период, тешко наоѓа откупувачи.

Сепак, последната недела од февруари на суровинскиот пазар во Србија ја одбележа натамошно поскапување на пченката и пченицата, додека цената на сојата паѓа. Преку берзата на производи во Нови Сад се тргувало 35,30 отсто повеќе стоки во однос на седум дена претходно, чија финансиска вредност била речиси двојно поголема. Како и во претходниот период, најтргувана беше пченката која зазеде учество од 57 отсто во вкупниот неделен промет.

– Иако најмногу се тргуваше со пченката, понудата на овие жита не беше голема, што позитивно се одрази на цената. За разлика од претходната недела кога најголем интерес на страната на побарувачката покажаа извозниците од пристаништето Дунав, оваа недела слаба беше активноста на извозниците – се вели во извештајот на Новосадската берза.

Напоменуваат дека остварената просечна цена на пченката била 23,91 динари за килограм (без ДДВ), што е зголемување за 2,34 отсто во однос на последната евидентирана цена на оваа земјоделска култура. Како што се посочува, голема активност на берзанските учесници е забележана и на пазарот на пченица. Покрај лебното зрно со 11 до 11,5 отсто протеини, во текот на изминатата недела се нудеше и поквалитетна пченица, па ценовното ниво на понудата беше во широк опсег од 24,5 до 27 динари за килограм без ДДВ. Просечната цена беше 24,95 динари за килограм без ДДВ, што е за 1,49 отсто повеќе од претходната недела, пишува „Политика.рс“.