болка стомак
Фото: Профимедиа

Популарниот сет за подароци е итно повлечен: Не смее да дојде во контакт со храна

Државниот инспекторат на Република Хрватска ги информираше потрошувачите за повлекувањето на производот, Хари Потер – сет „СИНО НЕБО ЧАША И ПРИКЛУЧОК ЗА КЛУЧЕВИ“ од Хари Потер, поради миграцијата на тешки метали: бариум, кобалт, олово, манган и никел, објави Србија данас. Производот не е во согласност со Регулативата (ЕЗ) бр.1935/2004 на Европскиот парламент и Советот од 27 октомври 2004 година за материјали и предмети што доаѓаат во контакт со храна и со кои се укинуваат Директивите 80/590/ЕЕЗ и 89/109/ЕЕЗ. Труењето со тешки метали како што се бариум, кобалт, олово, манган и никел може да предизвика сериозни здравствени проблеми.

Симптомите се движат од гадење, повраќање, болки во стомакот и хроничен замор, до иритации на кожата, проблеми со срцето и оштетување на нервниот систем. Оловото е особено опасно за децата бидејќи може да го забави развојот и да предизвика трајно оштетување на мозокот, додека манганот и кобалтот влијаат на мускулите, координацијата и функцијата на тироидната жлезда со долготрајна изложеност.

Никелот често предизвикува алергиски реакции на кожата, а вдишувањето на неговите честички може да го оштети респираторниот тракт. Поради кумулативниот ефект, дури и мали количини на овие метали внесени со текот на времето можат да претставуваат сериозен ризик по здравјето.

 

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот