Бројот на туристи во Србија во јуни е намален за еден процент во споредба со истиот месец минатата година, а бројот на ноќевања е намален за 2,8 проценти во споредба со јуни 2024 година, објави денес Заводот за статистика на Република Србија, пренесува Н1 телевизија.

Статистиката покажува дека во јуни годинава бројот на ноќевања на домашни туристи е намален за 3,4 проценти, а бројот на ноќевања на странски туристи е намален за два проценти во споредба со минатата година.

Златибор е дестинацијата која имала најголем број – 92.222 ноќевања во текот на јуни. Најголемиот број странски туристи доаѓаат од Турција (24.175) и Кина (21.423).