Половните автомобили во Србија во просек се поскапи за 21 процент во однос на 2021 година, растот на цените ќе продолжи, а стабилизација се очекува дури во 2024 година, пишува порталот Половни автомобили.

– Верувам дека цените нема да паднат во блиска иднина, а стабилизирање на цените може да се очекува во 2024 година – вели Романа Таков од тој портал за Танјуг. Се проценува дека во Србија годишно се продаваат околу 150.000 користени возила.

Повеќе од една петтина е поскапувањето во однос на 2021 година, а 29 отсто во однос на цените од 2020 година. Таков вели дека поскапите половни автомобили се резултат на пандемијата која донесе недостиг на микрочипови неопходни за нови автомобили. Помалку нови автомобили влијаеше и на понудата на половни автомобили, а со тоа и на цените.