Вчера во 02.06 часот на ул. „Македонска фаланга“ во Битола бил приведен шеесет и седумгодишниот П.Д. со престој во битолското село Жабени.

„При контрола во патниот сообраќај, полициските службеници сопреле патничко возило „мицубиши“ со битолски регистарски ознаки, управувано од П.Д. и е констатирано дека е под дејство на алкохол, односно измерени му се 1,66 промили алкохол во крвта“, информираат од СВР Битола.

Исто така, вчера во 20.30 часот во ресенското село Јанковец бил приведен педесет и едногодишниот М.М. од Битола.

„При контрола во патниот сообраќај, полициските службеници сопреле патничко возило „сеат“ без регистарски ознаки, управувано од М.М. и кај него е констатирано дека е под дејство на алкохол, односно измерени му се 2,14 промили алкохол во крвта“, информираат од СВР Битола.

Лицата веднаш се исклучени од сообраќај и по целосно документирање на случаите ќе бидат поднесени кривични пријави за „безобѕирно управување со моторно возило”.