Вчера и денеска полицијата во Скопје легитимирала 87 лица, а преглед бил извршен на 37 моторни возила. Притоа лишени од слобода биле пет лица по член 215 од Кривичниот законик (производство на дрога) и три лица поради недозволено поседување на оружје. Исто така, лишени од слобода биле две лица по член 396 од Кривичниот законик и едно лице по член 235 (кражба) и 378 (фалсификување исправа). Едно лице било приведено за доиздржување на казна затвор. Засиленото полициско присуство за безбеден град Скопје продолжува и во наредните денови.