Британецот, Џорџ Расел ќе стартува од пол-позицијата на трката за Големата награда на Лас Вегас откако во квалификациите утрово оствари најбрзо време од 1:32.212.

За Расел ова е трета пол-позиција сезонава и вкупно четврта во кариерата. Неговиот тимски колега, Луис Хамилтон сепак немаше толку добар настап и со две грешки во третата квалификациска сесија заврши како десетти.

Веднаш до Расел на патеката ќе биде Карлос Саинц од Ферари, додека во вториот ред се Пјер Гасли од Алпин е и Шарл Леклер од Ферари. Макс Ферстапен не извозе најдобро и ќе стартува како петти, веднаш до него е и Ландо Норис од Мекларен. Зад нив следуваат: Јуки Цунода (Ред Бул), Оскар Пјастри (Мекларен) и Нико Хулкенберг (Хас).

Главната трка на програмата е утре од седум часот наутро по средноевропско време.