„Се покачија платите во образование, веќе вработените ги примија покачените плати. Со овој буџет ќе се покачат платите и на административците и на полицајците и еве денес како што излезе и веста ќе се покачат и на здравствените работници“, рече пратеничката на ВМРО-ДПМНЕ Дафина Стојаноска во вечерашното гостување во емисијата „Само вистина“ на „Канал 5“, каде се зборуваше за поднесените амандмани од СДСМ, меѓу кои се и такви со кои се бара покачување на плати.

Стојаноска рече дека заклучно со завршување на мандатот, предвидено е да се зголемува процентот во однос на покачување на платите. Таа додаде дека „иако затекнале празна државна каса, успешно успеале да ги сервисираат долговите“.

„До крајот на мандатот предвидено е до 40% зголемување, а до крај на 2024 година сите здравствени работници ќе примат плус 2 450 денари, а средниот медицински персонал 3 850 денари до крајот на оваа година што за мене е добар знак. Е малку но е добро, ако во ова време навреме начекавме речиси празна каса на буџет со ребалансот се обидовме да изнајдеме средства, да се исплатат тие неисплатени плати од претходната влада во заминување“, рече Стојаноска.