По повод Европскиот ден на граѓанската правда денеска во Основен суд Тетово беше организиран отворен ден за граѓаните. Судот го посетија тетовските средношколци и студенти. Судијката Бојана Тоиќ им посочи на присутните дека одбележувањето на ваквиот ден на ваков начин е од особено значење оти поголемата информираноста на граѓаните ќе биде основа за поголемо почитување на човековите права.

„Како суд сметаме дека е од особено значење одбележувањето на ваквиот ден од причини што со поголемата информираност на граѓаните за правата коишто ги поседуваат, може да се влијае и кон поголемо почитување на основните човекови права кои ги гарантира Европската конвенција за човекови права. Студентите и учениците, како идни правници најпрво би можеле да придонесат кон разбирање на пристапот на правда како човеково право, а подоцна и во насока на акцентирање на важноста на таквиот принцип којшто ни е основно човеково право, вели судијката Бојана Тоиќ.