Навивачите на Евертон уште еднаш му порачаа на Рафаел Бенитез дека не го сакаат на клупата на тимот од „Гудисон парк“.
Според англиските медиуми прашање на ден е кога Бенитез и официјално ќе биде промовиран како нов менаџер на Евертон иако навивачите се противат на оваа одлука на управата.
Тие не го сакаат поранешниот менаџер на Ливерпул на „Гудисон парк“, а во близина на неговиот дом поставија банер на кој пишуваше:
„Знаеме каде живееш. Немој да потпишуваш“.
Бенитез шест години седеше на клупата на најголемиот ривал на Евертон, Ливерпул со кого во 2005 година триумфира во Лигата на шампионите. По Ливерпул, Бенитез ги предводеше и екипите на Интер, Наполи, Реал Мадрид, Далијан, Челси и Њукасл.