Почесниот конзул на Косово во Македонија, Арсим Папранику во моментов се наоѓа во полициската станица Карпош, каде дава исказ во врска со истрагата за махинации во Државната лотарија. Во случајот е поврзан и поранешниот прв вицепремиер Артан Груби кој избега од државава.

Папранику е „осомничен“ дека со своето возило со дипломатски таблички го превезол Артан Груби до Косово непосредно пред почетокот на полициската акција.

Министерството за внатрешни работи денеска објави потерница за поранешниот директор на Државната лотарија, Перпарим Бајрами и поранешниот прв вицепремиер Артан Груби, кои се сомничат за злоупотреба на службената положба и овластување во процесот на доделување на јавни набавки.