Силните ветрови од ураганот Доријан, кој ги покоси Бахамите и тргна кон САД, донесоа несекојдневен „лов“ на една плажа на Флорида на која испливаа десетина цигли кокаин.

Необичното пакување во полиција го пријавил случаен минувач, пишува Дејли мејл.

Кога стигнале на плажата, полицајците пронашле пакет кој бил „замотан на начин на кој се пакуваат наркотици“. Од една страна на пакетот со големи букви пишувало „дијамант“, а полицијата верува дека пишувало „диамантес“, што е шпански збор за дијаманти.

Во циглата имало дури еден килограм кокаин, информираа од полицијата.

Неколку часа подоцна полицијата пронашла торба во која имало уште 15 цигли кокаин, а која испливала на крајбрежјето.

Според зборовите на властите, вредноста на 1 килограм кокаин се движи од 20 до 30 илјади долари, а вкупниот „лов“ се проценува на 400.000 долари.