Цените на индустриските производи во еврозоната пораснаа за 0,8 проценти на месечно ниво во јуни, со што заврши тримесечниот период на пад, објави Евростат. Цените на енергијата во еврозоната пораснаа за 3,2 проценти на месечно ниво, додека цените за останатите сектори се променија само малку. Цените на меѓупроизводите се намалија за 0,2 проценти, додека цените на нетрајните производи за широка потрошувачка се зголемија за 0,2 проценти, трајните производи за широка потрошувачка за 0,1 процент, а цените на капиталните производи за 0,1 процент.

На годишно ниво, цените на производителите на индустриски производи во еврозоната се зголемија за 0,6 проценти во споредба со јуни 2024 година. Во Европската Унија, цените на производителите на индустриски производи во јуни се зголемија за 0,7 проценти на месечно ниво и за 0,6 проценти на годишно ниво. Меѓу членките на Европската Унија, најголем месечен раст е забележан во Шпанија (3,1 процент), Италија (2,2 проценти) и Португалија (1,7 проценти), додека најизразени падови се регистрирани во Естонија (3,8 проценти), Ирска (2,8 проценти) и Шведска (1,4 проценти), пренесува Танјуг.

На годишно ниво, цените на производителите во индустријата најмногу се зголемија во Бугарија (8,4%), Грција (5%) и Италија (3,9%), а најмногу се намалија во Естонија (5,2%), Литванија (2,9%) и Португалија (2,8%), објави Политика.